孫耀威：內地爆炸好兒戲

Selina燒傷，本港藝人亦大表關心，各人紛紛向她送上祝福及慰問。

孫耀威：「當年喺台灣發展見過對方，希望佢冇事，我會幫佢祈禱，做演員真係好被動，搵替身又話唔專業，內地拍爆炸戲係好兒戲，好似打機咁有一排掣，按錯係好大鑊，總之希望Selina早日康復。」

鄭欣宜：「幾年前喺上海同Selina有一面之緣，知道佢出事好擔心，會為佢祈禱。（拍爆炸場面會唔會擔心？）專業演員唔會諗太多，現場工作人員亦會做足安全措施，今次意外發生係意外！」

譚詠麟：「為Selina送上遙遠的祝福，並叮囑所有台前幕後工作人員於處理此類鏡頭時要加倍小心。」

傅穎：「捱過去，便會是美好的。受傷的，別怕，一定會好過來的。加油！大家也會給你們祝福的力量。」

江若琳：「我喺內地拍緊《星光都市》，知道嘅時候好驚，女仔燒親邊度都唔好，依家都有上網留意事件，希望佢盡快冇事，之前拍《男兒本色》一場槍戰戲，用咗好多火藥，當日突然落雨，有少少混亂，如果火藥分量出咗問題就大件事。」

鍾舒漫：「唔知佢受傷，都戥佢痛，會幫佢祈禱。（怕咗面對爆破場面？）其實打交、武打場面都有風險，但冇理由因為咁就唔拍，要相信團體嘅專業，同工作人員要互相信任。」而謝霆鋒則說：「希望佢冇事，早日康復。」