林珊珊送金元寶 伊健祝BB似媽咪咁靚
鄭伊健與林嘉欣曾五度合作電影，他得知嘉欣母女平安即表示恭喜，但送禮則要保密：「祝佢同BB身體健康，好似媽咪咁靚女。聽講嘉欣會繼續拍戲，佢又勤力又有潛質，希望佢生BB後踏入人生新階段，演技更上一層樓，好期待同佢再度合作。」
與嘉欣私交甚篤的林珊珊說：「恭喜嘉欣！祝BB快高長大！因為我冇佢電話，所以我會E-mail恭喜佢！我最近有鋪契BB癮，希望嘉欣繼續生，全部仔女都契晒畀我。（送禮？）送金元寶，因為金價升，送金最實際又保值。」惟她笑言怕凍，所以考慮明年春節後才往加拿大探望。
另外，星皓與嘉欣有獨家代理合作關係，經理人部負責人王小姐昨日代表公司表示替嘉欣開心，並祝母女平安，BB女健康成長。
林珊珊（左起）、潘迪華和林嘉欣私交甚篤，經常聚會。(資料圖片)
伊健祝BB身體健康，嘉欣演技更上層樓。