祖莉被揭買毒內幕

近日因新片而鬧出不少風波的安祖蓮娜祖莉，遭一名前毒品賣家爆料，指她於00年接受電視訪問前後服用可卡因，更指她每隔幾天便要入貨！

今期《Life & Style》雜誌訪問一名叫Franklin Meyer的前毒品賣家，他在訪問中爆出驚人內幕！Franklin自稱自97年開始向祖莉供應毒品：「1997年，我同祖莉喺佢屋企首次見面，之後每星期見兩、三次，喺酒店或者佢屋企，方便佢收貨！」他指祖莉在毒品方面花費不少：「佢每次大約會花100美元（約780港元），大約買到半克可卡因或者10分1克海洛英。」

疑吸毒後上節目

Franklin又指祖莉於00年上電視節目談及其電影《我有冇問題》及《Gia》時，曾於出鏡前後吸食可卡因：「佢上節目前後都搵過我買可卡因，我諗佢應該High咗嘢先上節目！」祖莉在節目中暢談兩片中的吸毒少女角色：「我覺得同兩個角色好似做咗好朋友咁，佢哋已經係我嘅一部分。」

祖莉98年受訪時曾承認吸毒，但自稱已戒掉：「我試過唔少毒品，好似可卡因、海洛英同迷幻藥等，有次食咗迷幻藥去迪士尼，竟然幻想着住米奇老鼠衫嘅係一個厭世嘅中年男人！我覺得啪嘢好危險，已經戒甩咗好耐！」祖莉現時正在匈牙利執導新片，有傳一名貨倉保安私自出租貨倉給她，從中獲利2千歐元（約21,600港元）。