關錦鵬發掘雙「冰」接班人
關錦鵬在執導新作《用心跳》中，起用18位新人孭飛，他坦言是希望為新一代的內地演員踏出第一步：「中國電影市場好大，又點止得李冰冰同范冰冰佢哋幾個具有實力嘅演員？我唔知幾年後有冇人同我一樣諗法，以電影去發掘更多新一輩嘅演員，但至少我今日做咗。」對於起用新人的難題，他說：「佢哋係上海音樂學院同戲劇學院嘅學生，但講到拍戲都係初哥，一班年輕人做群戲時，我發現佢哋嘅表情同演繹方式都差唔多，冇咗個別角色嘅性格，所以都要將佢哋慢慢調校，好彩佢哋好快掌握到。」
提到電影得到不少紅星如劉嘉玲、梁家輝等客串演出，關錦鵬說：「佢哋好認同我呢個做法，希望可以有更多內地新一輩演員有機會去做同發展，劉嘉玲同梁家輝都係不收分文演出。」他又大讚梁家輝演出前提早一天到片場，與新人加強溝通後再投入拍攝，令大家更能融入電影。
關錦鵬大膽起用18位新人參與新片，為影壇發掘新血。