連詩雅教BB Gym學御夫術

方大同師妹連詩雅（Shiga）仍屬單身一族，曾做過小朋友Playgroup助教的她自言御夫術了得，因認為男人就像「細路哥」鍾意人氹，而她笑言氹人有一手。

入行當歌手前，連詩雅（Shiga）曾經做過Playgroup的BB Gym助教及教英語，在3、4年間接觸過很多小朋友，對於有人以「大細路」形容男人，她笑着表示認同：「係喎！（咁御夫咪好掂？）我諗我都叻嘅，男人係最大嘅細路哥，鍾意人氹，我氹細路好有經驗。」

日前Shiga到電台《Gimme 5》節目分享教學樂趣，其助手還即場「借出」兩個囝囝給她做學生，讓她示範指導BB做Gym的技巧。Shiga先教他們唱歌仔熱身，再教拋波波、打觔斗及推呼拉圈學平衡，玩到不亦樂乎。她說：「我教5歲以下嘅小朋友做運動，幫助肌肉發展，啲小朋友好聰明，識得聽指示，2歲就識晒26個英文字，不過教佢哋都有難度，因為佢哋有時幾失控，少啲耐性都唔得。」

難忘被小童拍胸

在教學生涯中，Shiga最難忘曾遭一位小男童拍她心口，她笑說：「當時大家坐低唱歌，佢突然拍我心口，真係好愕然，尷尬到面都紅晒，都有諗佢係咪特登。」事後她得知男童是與爺爺嫲嫲同住，可能父母沒有給他教導，才不知道這樣做不正確。