岑潔儀愛熟男隔空冧陶喆

陶喆緋聞女友岑潔儀（Zoey）接受《娛樂onShow》專訪暢談感情生活，雖然她再次否認拍拖，言談間卻保留發展空間，隔空冧爆音樂才子！

早前與音樂才子陶喆傳緋聞的o靚模岑潔儀（Zoey），與歌手梁俊軒接受由俞詠文主持的《娛樂onShow》專訪，自爆與陶喆的感情關係，令不少Fans火速在網上收看，得到第一手消息。外表甜美的Zoey多次被拍得夜會陶喆，雖然兩人早已否認拍拖，但Zoey言談間透露與對方有緊密聯繫，問到日後有否機會發展，她說：「其實我一直都鍾意成熟嘅男仔，今日唔知聽日事，到目前為止同佢係朋友，大家有傾偈，佢係一個大哥哥，好識照顧人。」

選美打入15強

事業方面，Zoey近日忙於在內地選美，在逾百名內地佳麗對手當中，成功打入十五強，為「港女」爭一口氣，她說：「之前去咗廣州、北京同上海，參加一個選美比賽，個比賽亦要唱歌、跳舞同演戲，雖然內地女仔好叻，但我已經打入十五強，真係好開心，之後會再去上海十日，對比賽好有信心。（有咩優勝之處？）我有絕招，不過依家賣個關子，唔話畀大家知住。」

同公司的歌手梁俊軒大讚Zoey靚女，希望她成為選美冠軍，原來他與Zoey是青梅竹馬的好朋友，早前夾份搞生意開舖頭，完成做老闆的心願，問Zoey是否覺得入行後難於結交真心朋友，她說：「係架！入咗娛樂圈後好難搵到真心朋友，同梁俊軒咩都傾到。（覺得佢點？）佢識彈琴，好有才華。」而梁俊軒大讚Zoey是好女仔，他說：「如果做佢男友，會有安全感，因為佢個人好硬淨，有咩事唔使擔心，仲會保護人。」