趙彤審慎揀男友：畀人傷害過
來自台灣的趙彤，早前被指介入郭晶晶與霍啟剛的戀情，令她知名度大增！不過，趙彤澄清從未想過撬牆腳：「我同佢（霍啟剛）只係朋友，當時一班朋友出去食飯，點知畀啲失實報道誤傳，我要澄清同佢冇嘢！」身邊不乏追求者的她直言，揀男友要有耐性：「以前拍拖畀人傷害過，曾經對愛情失信心，所以有段長時間唔想拍拖！依家揀男友會諗好多，希望大家都係好認真同專一！」
提到主持生涯，趙彤難忘訪問台灣第一名模林志玲，更視對方為偶像：「有一次同佢做專訪，發覺佢真係一個好完美嘅女人！一般人見到佢好嗲聲嗲氣，其實呢啲只係表面，我見到嘅佢係好有智慧同EQ好高，訪問完之後就鍾意咗佢，如果我都好似佢咁樣就好喇！」
趙彤坦言曾受情傷，不敢再輕易相信愛情。