G.E.M.自訂六年「嫁」期
鄧紫棋（G.E.M.）昨日在記者會上，宣布為日本動畫電影《借東西的小矮人亞莉亞蒂》獻唱廣東話主題曲及填詞，被追問前緋聞男友側田傳與韓籍女友年底結婚，她說：「結婚係一種幸福，會祝福佢！（打電話恭喜佢？）我冇佢電話！（恨嫁？）我今年19歲，生於一個非常幸福嘅家庭，所以好希望25歲前組織自己嘅家！」記者即追問是否已與緋聞男友、台灣歌手林宥嘉有默契？G.E.M.即嬌嗲地說：「要醞釀吓先！喺我25歲前都仲係尋覓中，如果依家搵到已經結咗婚啦！」
G.E.M.揚言希望25歲前組織家庭。