楊愛瑾唔接受打Botox變面
昨日楊愛瑾（Miki）與連詩雅出席護膚品活動，不約而同穿着短裙Sell長腿。Miki揚言每次均斥資近五位數字購買護膚品：「平時買少少嘢都要用成七千蚊，眼部護理嘅產品最貴，但依家有贊助就慳番啲！」她還笑言很怕看見女仔在街上為男友唧暗瘡：「好核突！幫佢敷Mask都仲可以。」連詩雅卻大唱反調，指如看見男仔有暗瘡會周身不自在，不介意幫手唧暗瘡。
另外，最近不少女星傳整容，問到會否接受打Botox變面？Miki說：「自己接受唔到，但人哋打就OK。（男仔打呢？）男仔唔好太過完美，有少少瑕疵先至Man！（林峯經常『變面』？）我唔知喎！男仔滄桑少少好啲，好似金城武咁！」
楊愛瑾（左）與連詩雅齊齊着短裙晒長腿。
楊愛瑾即場示範美容產品，笑言每次豪花逾萬元買護膚品。