(5)白鷺遇雙鬼拍門喊驚罷玩
24位華姐候選佳麗前晚移師主題公園拍外景，食正「哈囉喂」熱潮，(5)白鷺未見「鬼」已嚇到「o衣嘩鬼叫」，(10)王美艷更一度擦傷手。
今屆國際中華小姐大玩「哈囉喂」熱潮，24位候選佳麗前晚拉大隊往主題公園拍外景，有人一馬當先入場玩餐飽，亦有人被「鬼」嚇到幾乎想喊！當中來自佛山的白鷺最為驚青，於場館外拍攝時已怕到面容扭曲，與兩隻恐怖「鬼」合照時忍不住大嗌，最後堅持不入場拍攝，她說：「其他人一直鼓勵我，但我都係好驚，以前喺深圳讀書試過去鬼屋，驚到扯爛咗前面個男仔件衫。」白鷺直言年幼時曾獨自在家看恐怖片留陰影，故今次企硬不入場，不想再度被嚇親。
陳庭欣出手護花
至於香港代表F陳庭欣則於現場擔任「親善大使」，一手攬實白鷺，陳庭欣說：「今日我左擁右抱呀！其實我都好驚，未嚟過呢個主題公園，以前喺外國讀書就試過扮嘢慶祝萬聖節。雖然有啲驚，但今日都要發揮東道主精神照顧大家。」另外，同場的墨爾本代表王美艷不小心弄傷手，工作人員即場為她護理傷口，幸好傷得不深。她亦很快忘記傷痛，跟佳麗合照留念，未有影響拍攝進度。
白鷺（右二）與「鬼」合照嚇到「o依嘩鬼叫」，幸有陳庭欣保護。
王美艷反「嚇」為主，但不慎弄傷手。
一班國際中華小姐候選佳麗移師主題公園，與大家提早「哈囉喂」。