大方透露慶祝計劃 熊黛林趕返港賀城城生日

名模熊黛林（Lynn）與郭富城這對緋聞男女發展順利，城城下周二生日，Lynn昨晚終突破避忌關口，在Estee Lauder晚宴上暢談對方，公開「女友」身份！她說：「應該會慶祝，但26日要去澳門做嘢，唔知趕唔趕得切，唔想講住，驚去唔到好似講大話咁。（已有慶祝計劃？）都係，但要睇工作。（買咗禮物未？）買咗，平時用開嘅嘢，我生日都收到佢送一啲平時用開嘅嘢。（咁高調唔驚城城唔鍾意？）唔會，唔想講大話。」對於王力宏批評藝人買車是暴發戶，她力撐城城很有品味，並指有能力買車並非錯事。

同場的李美鳳表演鋼琴，雖擁有九級程度，但因首次公開表演而手震，幸獲夫婿及家人支持，而她一對12歲龍鳳胎則沒有前來，以免被攝入鏡頭。至於張天愛則設計六套衫作慈善拍賣，並表示曾考慮打針整容，只是沒有膽量。

另一邊廂，城城昨日與王敏德及信和集團商場推廣總經理蘇蔡潔蓮，在3號風球下現身奧海城有份舉行的《空中看地球》活動。問到會否與Lynn共度生日，城城即以朋友擋駕：「唔講呢啲嘢喇！到時先講啦！（日前提早慶祝？）唔識答，無可奉告！」他表示好友已約好他生日飯敍，還準備了陳年鮑魚供他享用。對於Lynn打算趕返港與他慶祝，他說：「好多朋友都係，呢啲咪有心囉！（Lynn有心？）好多朋友都係！」另外，曾與王力宏合作的他，未感對方刻意批評任何人：「唔好針對力宏，唔需要將事情化大變是非，每人觀點、興趣唔一樣啫！」