Lisa S.有意隆胸吳彥祖Say No

身材平平的Lisa S.昨日出席活動時直言，老公吳彥祖從沒有嫌她是「飛機場」，她卻曾多次提出隆胸，遭老公激烈反對！

名模Lisa S.昨日出席內衣展時，看見現場有可連升兩Cup的Bra，立即兩眼發光：「我一買就要買十個呀！」她坦言很羨慕同場的廖碧兒身材豐滿，還嘲笑自己是「飛機場」：「我Size係負數呀！距離佢嘅Size仲好遠。」Lisa坦言曾有意隆胸，卻遭老公吳彥祖大罵：「佢話我真係隆胸就唔睬我，佢從來冇投訴我平胸。（老公有冇威脅你真係隆胸就離婚？）唔想老公唔開心，我想Keep住呢段婚姻，所以唔會隆，但老公話我第時生BB後，胸部下垂就可以隆。」

廖碧兒唔怕胸下垂

同場的廖碧兒透露很少穿Push Up Bra：「唔會喺公開場合着內衣，屋企就可以，冬天怕凸點會着有墊Bra，喺外國就真空出街。（擔心胸部下垂？）唔會，家姐依家餵緊人奶，仲教我Firm胸秘技！」

另外，昨日廖碧兒與郭晉安出席劇集拜神，他們表示合作愉快，安仔透露拍輯一場暈倒戲時，暈正碧兒心口，更笑言她有「安全氣袋」：「唔怕陳豪唔開心！」碧兒被問到安仔暈正心口，事前有否向陳豪備案？她說：「冇喎！」更自爆螢幕初吻已獻給陳豪。