34A Melanie Z.寸JC打假波

隨第一代Canon女模Jessica C.（JC）離港到荷里活發展後，第三代的Melanie Z.極速補位，她昨日行內衣騷，自認34A上圍不及警鐘胸JC，但強調真材實料，擺明寸JC！

昨日Melanie Z.為內衣品牌Triumph行騷，同場還有今屆港男冠軍翟威廉表演跳舞。Melanie向來有行內衣騷，問她酬勞是否幾級跳，她甜笑默認，並表示公司會為她爭取，至於有否興趣代言內衣品牌，她說：「冇諗過，有機會都想試。（JC有代言內衣，唔怕比較？）唔怕，冇問題。（佢有警鐘胸喎！）我識講少少廣東話，呢個係我優勝之處。（佢離港你多工作？）好似係，希望佢喺荷里活發展順利。」

除識得廣東話外，Melanie對自己的身材甚為滿意，她大方公開現時34A上圍：「我係真嘅！好滿意自己上圍，全身都好滿意，我唔鍾意假嘢！」言語間令人聯想到JC被指打假波，問她對JC身材的看法，她說：「好健康性感。（有傳佢隆胸？）我唔知。」

翟威廉內衣求舒服

同場的翟威廉表示，今次是獲獎後首個公開活動，問他為何收埋肌肉，他說：「下次啦！今次留畀模特兒。（行內衣騷？）我唔抗拒，睇公司安排。（面對索模尷尬？）唔會，我掛住準備，冇留意。」他自認非浪漫男士，不會送內衣給女友，問到會否覺得性感內衣增添情趣，他說：「我比較古板，最緊要內衣着得舒服。」