方中信暗寸叫捐身家
愛車之人方中信表示高峰時期有三架以上的名貴跑車，08年更豪買了一輛價值二百萬元的Audi限量版超級跑車R8。對於王力宏的言論，方中信雖然口說欣賞，但也不難聽出他有暗寸對方的意思：「對方（指王力宏）係有善心嘅人，我好欣賞，我就賺唔到成億，『思噎』就有，自己都希望將來可以賺到咁多錢，講番同一番說話，我慶幸對方無兒無女，佢可以倣效Bill Gates（蓋茨）捐身家，唔捐晒捐一半身家都好吖！」
另外，吳卓羲承認曾有過頻換車的時期，但不認同王力宏的理論：「每個人有自己嘅一套理論，我認同要多做善事，但唔認同頻頻換車就係暴發戶，人哋換車都可以同時有捐錢做善事。其實有人買幾百蚊衫，有人買幾千蚊衫，都係追求生活質素好少少啫，相信冇衫着嘅人都唔會話咩！」
此外，杜汶澤則說：「我高峰期都有四架車，但依家冇興趣再買。因為成日撞車，對自己同途人嘅生命都有威脅。至於講到暴發戶，其實每人喜好唔同，有能力買亦無可厚非，買咗又唔等於唔會再做善事。相信佢都係出於好意，只不過被人扭曲咗啫！」
方中信明褒暗貶王力宏。資料圖片
吳卓羲不認同換車便是暴發戶的言論。資料圖片