G.E.M.心急問林宥嘉廚藝
鄧紫棋（G.E.M.）與名模楊崢昨日為《國家廚師日2010》擔任嘉賓，大會安排兩人穿上廚師服。有「地獄廚神」之稱的G.E.M.說：「我煮即食麵好好味㗎！控制得個生熟度同個湯嘅味道好好！我仲整過牛奶燉蛋白，爸爸話好好食㗎！」她否認要為緋聞男友林宥嘉（Yoga）整甜品，並自言大個女要學烹飪：「阿妹都識煮飯，我19歲都唔識，佢15歲已經識嘅嘢，我要學吓！」記者提議她找個懂得烹飪的老公，她笑言有此想法，問到Yoga是否廚藝高手？她說：「我唔知！你哋（記者）問吓佢啦！（識煮會加分？）會！」另外，楊崢透露下月會有新工作大計：「依家未講得住，不過係啲冒險嘢！」
G.E.M.自覺要學烹飪，自詡煮即食麵手勢一流。
楊崢與G.E.M.出席活動，變身小廚師。