代晶晶出頭朱玲玲責偷拍者
攝影了得的朱玲玲昨日擔任在奧海城舉行的《空中看地球》攝影展嘉賓，與法國攝影師恩亞祖貝特杭（Yann Arthus-Bertrand）主持開幕儀式，又獲Yann送上相片做禮物。朱玲玲表示Yann是攝影界的大師級人馬，若有機會會趁機偷師及拜師學藝，但因身體問題，不會效法對方高空攝影。提到「未來新抱」郭晶晶遭紅外線偷拍，她說：「我唔識中文，我冇睇過。（你有冇用過呢類相機？）冇！呢啲係唔應該嘅行為，應該有法例管制，如果係有惡意嘅，就應該好多人會講。」對於兒子霍啟剛就此事甚為勞氣，她指兒子可能正在開會才這樣，啟剛沒有告知她此事，她亦不會致電晶晶問候：「唔會煩同騷擾佢，佢哋都面對過好多新聞，呢啲係佢哋嘅Life（生活）。（啟剛同晶晶嘅婚期？）唔講喇！問番佢哋啦！」
朱玲玲出席攝影活動，直指偷拍郭晶晶的人行為不當。
郭晶晶
朱玲玲（左）與信和集團商場推廣總經理蘇蔡潔蓮合照。
朱玲玲與Yann言談甚歡，未知是否交流攝影心得？