「無殼蝸牛」DaDa積極搵錢上車

近年攻佔大小活動的o靚模，吸金力不遜於藝人，當中「百果園咪神」陳靜（DaDa）和「浸大E神」楊梓瑤（Carol），亦計劃儲夠首期盡快趕上車，脫離「無殼蝸牛」一族，成為o靚模業主！

曾在公開場合透露有意成為業主的DaDa，問到何時夢想成真，她說：「其實一直都努力緊，不過依家租樓住月租過萬蚊，相對開支大好多，所以仍然要努力。（離目標幾遠？）有排都未夠首期，我都好羨慕其他人投資有道，希望有機會學吓投資啦！」

至於家住大圍公屋的Carol，希望一家四口搬入私人樓，不過近日為學業封胸的她，收入相對減少，她說：「呢排我專注讀書，買樓遲啲先諗，加上依家樓價咁高，我自問未有能力。（傳你賺咗80萬？）真冇咁多！我心頭唔高，想買300萬至400萬嘅私人樓，夠一家人住就OK。」另一o靚模周秀娜（Chrissie）則揚言已儲夠首期，準備做業主：「依家已經儲夠1千萬左右樓盤嘅首期，想同屋企人住大概800呎嘅樓，地區方面就一定會住番中、上環，方便工作。」

另外，DaDa早前以52個造型瞓身影月曆誘Fans，她表示月曆11月推出，希望屆時賣夠5,000本。問到拍攝期間的趣事，DaDa最難忘被狗跟：「無論去邊隻狗仔都跟住我，覺同佢好有緣，如果將來有機會，我都想養番隻狗仔。」