周秀娜冧咀林峯：佢好好啜！

周秀娜、林峯與楊千嬅等昨日現身電影記者會，周秀娜直言十分回味與林峯的咀戲，還大讚林峯「好啜」兼自爆拍戲時愛上對方，看來相當冧爆！

楊千嬅、林峯、徐子珊與周秀娜到廣州出席電影《抱抱俏佳人》記者會，晚上又結伴出席首映，相當奔波！周秀娜表示回味戲中與林峯的激情戲，在戲院重看時都覺得窒息：「佢好好啜，拍戲都有鍾意咗佢。」而林峯被問到有指蔡卓妍（阿Sa）面部變尖，他說：「我都成日畀人話整容，真係笑爆嘴！佢一向都尖，好自然呀！」

徐子珊等拍大膽戲

此外，千嬅透露近日不停四圍飛到內地各地宣傳，早前在香港登機準備出發飛北京時，因飛機出現問題要立即落機，她立即傳短訊給老公丁子高，結果事件擾攘了數個小時，令老公相當擔心！對於有指邵氏為力谷林峯攞獎不停開拍電影，千嬅說：「係？我都恨攞獎喎！之前見到惠英紅攞獎，自己都好感動，佢話演員係一世嘅，只要畀心機就有機會。」問到對票房的期望，她表示不會擔心，對自己的工作都會負責任。提到有指其前男友揀女朋友的口味，她說：「唔知喎！冇聯絡，以前啲嘢唔記得，我個腦記憶體有限。」至於徐子珊則表示若在有電影導演合情理要求大膽演出，她亦作好準備，因一向都有Keep Fit。