麥玲玲食住升市出擊
居於北角賽西湖的堪輿學家麥玲玲透露，其物業已升值不少：「舊年我以1,500萬買入賽西湖，依家已經都升到1,900萬，其實一路都有人問我有冇興趣賣，但我反而想買多層，事關港元貶值，人民幣就不停升，都想喺深圳、廣州或者上海等地置業。」麥玲玲回顧當年說：「97年3月後一直都係租樓住，直到沙士後就再想置業，06年以668萬買入雅景臺，08年以1,090萬賣出。」
玲玲更以堪輿角度分析香港明年樓市升幅較大的地區，她說：「明年嘅喜慶星喺西面，好似西九、貝沙灣同西半山嘅樓市會升值較快，除此之外，西南同西北面都幾好，好似新界元朗、上水同大埔區都係唔錯嘅選擇。」
