余思敏買樓 舊愛畀首期

鄭中基與蔡卓妍離婚後各覓新歡，蔡卓妍與陳偉霆高調談情，鄭中基則被傳與有線女主播余思敏愛得癡纏，更被指全方位照顧對方！不過，本報收到內幕消息，突然富貴的余思敏並非由鄭中基照顧，寓所更是舊愛陳朗（Max）豪擲近30萬元作部分首期！

近日盛傳鄭中基（Ronald）搭上有線女主播余思敏（Sammie）後，為她租屋及狂贈名牌，全方位照顧周到，而Sammie最近更由公屋遷往青山公路韻濤居，認真巴閉！不過，本報收到自稱是Max多年好友的讀者來電爆料：「啲報道講到Max無情無義，其實Sammie能夠買樓都係Max私底下出錢，當時佢哋分咗手，但Max覺得同Sammie拍拖7年，即使唔一齊亦希望佢有個安樂窩，所以畀咗近30萬佢做首期，等佢同個妹夾份買樓。」

記者昨日走訪Max位於銅鑼灣的中醫館向他求證，他顯得甚為抗拒，並說：「我唔係圈中人，唔想講太多。（有人話Sammie層樓嘅首期係你畀o架喎？）做咗嘅嘢唔想提，我哋兩個知就得。（被話衰人，會唔會覺得唔抵？）冇辦法，唔通見到人就走去解釋咩！（外界指你係負心漢？）我都唔知點解會有咁多負面新聞同是非，總之希望余小姐幸福啦！」

兌現承諾助「脫貧」

其後記者聯絡Sammie，追問Max畀首期一事，她起初表示不回應，其後才說：「唔需要！（意思係咪層樓係你自己畀首期？）係，我自己有能力買！」記者就Sammie之言再向Max查詢，他顯得有點不悅，並說：「佢層樓嘅首期的確係我畀嘅，因為我之前承諾過佢，要畀佢一個安樂窩。（有冇證據？）有，有買樓嘅單據，冇得講大話！（但佢唔認？）唉！我真係唔想再講喇！佢有佢嘅難處。」