陳庭欣出戰華姐硬撼苟芸慧師妹
本年度《國際中華小姐競選》的24位候選佳麗昨日首次見傳媒，雖然陣容鼎盛但多而不精，未見有「超班」佳麗出現，最索三位分別來自多倫多的「苟芸慧師妹」(18)張慧雯、曼谷代表(3)丁文冰及溫哥華佳麗(19)岑麗香。
代表香港參賽的港姐冠軍(6)陳庭欣的狀態明顯跌Watt，幸好以低V吊帶裙晒「事業線」，加上被抽中試戴后冠，實行先勝一仗！對於性感打扮，陳庭欣說：「好多佳麗都大露背，好似(21)李曼姿都好性感，我後面冇得露嘛！加上呢個係國際性選美，所以着得開放少少。」
張慧雯受訪時直言是苟芸慧的正牌師妹：「佢係我『師姐』，都有人話我似佢！（陳庭欣來勢『胸胸』？）我比較保守，今日揀衫以得體為主。」另一奇「峰」凸出佳麗是李曼姿，但她否認有加墊「僭建」。至於(14)王佩芷、(16)陸曼及(17)鍾梓尤三位均是「大口仔個Friend」，咧嘴一笑燦爛得異於常人。
(6)陳庭欣獲抽中試戴華姐后冠，未知決賽當晚能否舊夢重溫？
(21)李曼姿力谷事業線，但長而不深！
(14)王佩芷（左起）、(16)陸曼及(17)鍾梓尤笑容特別燦爛。
張慧雯猛龍過江，隨時為多倫多再爭光。