丁子高攜母睇千嬅咀林峯
楊千嬅與林峯孭飛的新片《抱抱俏佳人》前晚舉行首映禮，吸引徐子珊及高海寧等捧場，不過丁子高只低調地攜母入場睇戲，事後他出席派對時尷尬地表示，看到千嬅與林峯的激吻戲時，感覺「好特別」及「怪怪地」：「佢（千嬅）演得好好、好放！佢唔知我嚟，可能怕我坐佢隔籬！」他以為二人會有濕吻鏡頭，故不時扮按電話分散注意力：「佢都係拍武俠片好啲！」至於千嬅則表示婚事由老公負責，現只擔心自己太瘦：「我怕到時連骨都冇得托，不過我唔會接受豐胸贊助！我希望老闆送個單位畀我啦！」對於被麥玲玲批「兩年抱三」，千嬅大叫：「你知唔知我咩年紀？」另外，林峯被問到對票房的期望時說：「我一向都唔知票房標準。（加片酬？）唔知收幾多！」
千嬅與林峯雖然不太合襯，但總算有點默契。
丁子高與黃真真玩到癲，林峯（右）亦加入戰團。
徐子珊露半膊又半開朱唇，一臉自信。
楊秀惠（左起）、梁政珏等性感列陣，高海寧（中）想攝位都難！