熊黛林視城城重要家人
本月26日生日的郭富城，成為全港首位Megane RS車主，昨日他收到雷諾這份生日大禮，但新車首位乘客並非緋聞女友熊黛林（Lynn），問到會否一同慶祝生日，他大方以「身邊嘅朋友」形容對方，並說：「所有在港嘅朋友都希望同我食飯慶祝。」對於香港演員片酬幾級跳，他自嘲是廉價勞工：「每個演員都有自己嘅價值，但我就偏低。」
至於Lynn昨晚身穿桃紅色迷你裙出席BCBGMAXAZRIA活動，艷光四射！已有個半月不在港的她，坦言很想打邊爐，問到會否與城城慶祝生日，她說：「唔知，我唔想講大話，唔好問我。（佢話同所有人食飯？）睇吓得唔得閒，但一定會買禮物畀佢。（佢有冇送生日禮物畀你？）有，但唔講得係乜。（城城話你係佢生命中好重要嘅人？）冇留意，佢係我好重要嘅朋友，因為香港好少朋友，會當朋友係家人一樣。」另外，同場的謝婷婷雖沒有男友陪伴，但仍晒幸福指男友甚麼也為她心痛。
戀愛至上的熊黛林，坦言城城對她很重要。
城城獲贈新車作生日大禮，地位超然！
婷婷踢爆父親謝賢沒有甩拖，亦不介意他再婚。