周慧敏出自傳寫倪震偷食

明年是玉女掌門人周慧敏入行25周年，她透露有意出自傳，更不介意將轟動一時、倪震啜爆張茆的事件收錄在內，相信屆時必定再掀熱話。

周慧敏（Vivian）昨日出席法國休閒服品牌AIGLE 2010秋冬系列活動，同場還有模特兒Amanda S.、姚予晴及Cara G.行騷。Vivian以品牌Image Girl身份到場，原本只是座上客的她突然興起行騷，她說：「因為見到有天橋，所以想即興行騷，覺得好得意。」

明年便是Vivian入行25周年，問她會否介意被稱為甘草，她笑笑口說：「唔介意咩稱號，入行25年咩都受得起。」至於有甚麼紀念活動，她表示未知會否開個唱，反而有意出自傳，記者即問會否收錄老公倪震咀張茆一事？她大方地說：「好多嘢都係成長經驗，每個經驗都係正面力量，令我勇敢向前行。如果好多嘢都唔寫，就唔會好睇，我想認真啲分享心底話。」

遭冒名分享經驗

另外，提到張衞健的微博遭黑客入侵並留言稱患癌，Vivian坦言初時看到亦感擔心，但沒有發短訊問候健仔，後來得知是惡作劇：「我暫時都唔會開微博，曾經有人冒充我去答問題，雖然冇惡意，只係出於好意同歌迷分享我嘅嘢，但冒充真係Over咗。」