網上消息好易令人杯弓蛇影，呢件事證明咗互聯網真實性成疑，好多人喺網上睇到乜都信以為真，完全唔去查證，我比較理性，要有實質證據至會相信。
霆 鋒：
我冇微博戶口，係助手同老竇（謝賢）睇微博後再通知我，希望搞惡作劇嘅人唔好咁無聊！
Amanda S.：
早年喺美國讀書時畀前男友入侵電郵，掌握我嘅生活同行蹤，搞到我去邊佢都喺度，之後我改密碼，但佢都入侵到。（將密碼告知男友？）Never！大家好尊重對方私人空間。
Dicky契媽拉姑（狄波拉）：
係咪真o架？嚇死我啦！呢個世界成日有呢啲無法無天嘅嘢，當消災囉！凡事我會諗有啲乜唔好，好嘢就會嚟，多謝你話我知係假，假得好。
蔡一傑：
啲人唔好心地，唔只玩主人翁，亦令愛護佢嘅粉絲、家人、朋友同老婆都嚇親，希望啲衰人唔好再搞鬼。
陳法拉：
我日日都上微博，登入密碼成日換，暫時都冇畀黑客入侵過，但我試過畀人冒認開Facebook戶口，所以張衞健嘅遭遇，我感同身受，希望網絡保安可以再做好啲。
