夾實鍾嘉欣得個「嬲」字 林峯吳卓羲否認爭女反目
林峯、吳卓羲和鍾嘉欣昨日出席台慶亮燈儀式，對於有報道指三人陷入三角戀而兄弟反目，剛從馬來西亞返港的林峯表示得知此事，問到是否三角戀輸家？他驚訝地說︰「吓！冇發展過何來輸贏？（同吳卓羲反目？）十幾年兄弟，梗係唔會啦！」他又謂每套劇的演員有不同配搭︰「我同嘉欣有兩、三年冇合作過，唔明點解會一路傳，拍劇一係緋聞一係不和，依家拍劇又同阿佘（佘詩曼）傳，覺得一笑置之。」
至於吳卓羲稱與嘉欣正在拍攝劇集《決宅男女》，親密行為被人誤會而已，並稱與對方只曾在04年節目巡禮中合作。提到他在微博留言稱與兄弟反目，問到是否指林峯？他澄清說︰「其實係我圈外嘅朋友，同林峯感情冇變，唔需要刻意解釋。」而鍾嘉欣則說︰「唔知呢啲嘢，炒作新聞唔理。」說罷即匆忙離開。三人合照時，更出現兩男一女的「嬲」字場面。
林峯與吳卓羲被傳因爭鍾嘉欣反目，三人合照時嘉欣一度掩面。
