莊思敏豪語：爆咗再整過

順利完成隆胸手術升Cup的莊思敏，前往珠海國際賽車場玩飄移為慈善籌款，問到可擔心「爆胸」，莊思敏則豪語：「爆咗咪再整過囉！」隆胸後信心爆棚的她更索性脫掉賽車外套，騷小背心大晒身材。

莊思敏、賈曉晨（JJ）、徐子珊與詩雅昨日到珠海國際賽車場為節目《仁濟超級跑車愛心全接觸》錄影賽車飄移籌款。眾女星一身賽車手Look亮相，但難忍天氣酷熱，紛紛拉低拉鏈「抖氣」，其中以隆胸的莊思敏露粉紅色Bra帶姿態最性感。

賈曉晨否認被雪藏

唯一落場駕賽車飄移籌款的莊思敏，最後更勝出比賽，她說：「醫生都有講頭一個月就唔可以做劇烈活動，依家都做咗兩個月啦，冇問題嘅，亦冇為個胸買保險。（驚唔驚爆波﹖）爆咗咪再整過囉！」

有傳賈曉晨因與藝員沈震軒拍拖而遭經理人公司雪藏，她說：「冇，佢唔係我男朋友，自己都唔知畀公司雪藏，我仲打番公司問，公司都話冇，近來都好忙好多工作。」但她不否認與沈震軒有發展可能，強調彼此大家是會互相關心的朋友，JJ又自爆今年很旺桃花，追求的有窮人亦有有錢人。

未能親自駕車飄移的徐子珊對於只能做乘客，大感可惜地說：「啲總理可能知我撞過車，所以唔敢坐我車，咪變咗只可以做乘客。」而詩雅雖然有車牌但自爆曾試過入錯行車線逆線行駛，幸未有意外發生，朋友得悉後也勸她不要再駕車。