衞詩低調捧場台下和唱
昨晚是衞蘭（Janice）演唱會尾場，衞詩（Jill）一如媽咪預告捧姊姊場，但化了妝、頭戴冷帽的她刻意低調，除待開騷後才進場外，還遠離眾星雲集的VIP席，選擇坐在相隔一台之遠的另一邊觀眾席，但被傳媒發現時，她亦大方搭着媽咪肩膊微笑，期間又口噏噏跟着姊姊哼歌。
捧場的還有Janice師妹Janice Man（JM）、老闆娘樂基兒、蘇永康及女友、王菀之、劉浩龍及鍾舒漫等，連演唱會「稀客」鍾欣桐（阿嬌）亦有現身，問到為何捧場，阿嬌說：「係阿Jill叫我嚟嘅，我同佢熟，之前都好想睇，但冇時間，今晚有時間咪嚟囉！我都想睇Joey（容祖兒）演唱會，只係嗰次唔喺香港之嘛！」
另外，樂基兒昨午與JM出席沙田馬場活動時，力撐被嘲身材肥胖的Janice，樂基兒說：「就算佢幾瘦幾靚，啲人都會有嘢講，最重要係唱歌。（黎明冇勒令佢減肥？）我哋睇重表演多啲。」至於JM亦讚Janice狀態好，問到會否傳授減肥心得，她即表示不敢當。
衞詩與媽咪襯埋「母女裝」捧場，很有心思。
阿嬌應衞詩邀請睇騷，為Janice打氣。
樂基兒搭着Janice Man入場，毫無老闆娘架子。
樂基兒自言想養馬，希望明年的生日禮物是一匹良駒。
Janice Man不敢向師姐衞蘭傳授減肥心得。