陳樂榣：性感底線有共識
前Freeze成員陳樂榣、羽翹、關楚耀等昨日帶同寵物出席活動，提到甄穎珊被解約，陳樂榣說：「件事比較敏感，唔方便回應！（佢話畀公司逼全裸拍戲？）以前Freeze行性感都有商有量，傾性感底線，有晒共識，唔係話逼就逼！」對於Freeze面臨解散，她坦言感到可惜：「始終合作過幾年，之前都搵到錢！」其後本報致電一元製作室老闆蕭定一，他表示曾收到甄穎珊的短訊：「佢否認推戲畀公司叮走，之後冇通過電話！（賠幾多？）仲有三星期合約！（萬幾蚊？）咁上下！」他指過往要求甄穎珊做瑣碎事，對方都諸多意見。
另外，關楚耀被問到謝安琪被指到韓國整容一事，他說：「去一星期之嘛，整得咁快？（同以前唔同？）人氣會影響面相，自然靚啦！」有傳亞視有意舉辦音樂頒獎禮，為亞視拍劇的他坦言冇聽過，但希望樂壇百花齊放。
陳樂榣（右）與羽翹結伴撐場，拒絕回應甄穎珊被解約一事。
關楚耀直言人氣會影響面相，力撐謝安琪冇整容。
戴夢夢帶同愛犬出席活動，愛犬一臉傻氣，十分可愛。
