諸葛梓岐「木嘴」證冇整容
有指常去韓國工作的謝安琪下巴變尖，惹來整容之嫌，連帶其他藝人如諸葛梓岐等亦被指整容。昨日諸葛梓岐出席活動時否認整容：「一出世就咁尖，牙醫教我點分真假，佢話木起個嘴再摸下巴，如果凹凸就係冇整。我覺得整容唔係問題，但我唔會整，因為相士同媽咪講整容會破相。」另外，因家人及男友擔心日本局勢，諸葛梓岐將押後到當地宣傳新碟。
另一邊廂，謝安琪經理人代為否認整容傳聞：「佢去韓國工作，冇時間做無謂嘢！佢有嚴重雙下巴，影相會伸長條頸就番，之前有就失實報道發信，但冇成效！（學Angelababy搵醫生驗證？）冇用！」
被指整容的諸葛梓岐即場「木嘴」，驗證冇整容。
謝安琪經理人代否認整容。資料圖片