華哥：康城都有七影帝

任達華昨晨抵達江陰，疲態畢露：「我之前（開幕日）喺度o架！之後過咗澳門拍戲，今朝先趕返嚟。不過有啲遺憾嘅係琦琦帶個女去澳門玩，咁啱我就飛咗過嚟！」頒獎禮後他又要連夜趕到上海，再轉機返港拍新片《熱愛島》，他表示希望能與爾冬陞合作，又透露最近與友人合作於上海搞健身中心生意，認真忙碌。

對於主演的《歲月神偷》有機會提名奧斯卡外語片，他說：「呢套係歷史文化電影，好易打動評判！」而吳思遠早前批評金雞百花經常「鬧雙胞」，華哥風趣地說：「康城都試過七影帝啦！我都鍾意食四黃月餅呀！」

同場的邵美琪表示首次參與大型國際影展，她為了襯衫，更花了一星期揀選心水的螢光綠指甲油，還輕鬆自言「唔恨」攞獎，只想有更多工作機會。

搽了螢光甲油的邵美琪，甫見任達華即攬到實。