刮盡免費Apps益街坊 諸葛梓岐篤一篤建公主城堡

多功能手機成為不少藝人的隨身物，愛玩從手機下載的遊戲，有趣實用的軟件更深受歡迎，連公主諸葛梓岐、李克勤及劉心悠等都鍾情免費Apps！

諸葛梓岐說：「呢個遊戲唔單止可以設計城堡，仲可以每日收割同播音樂畀動物聽，真係好好玩！覺得自己好有愛心！」

推介Apps：FarmVille好玩度：★★★★★

玩法：一款讓玩家扮演農夫的遊戲，不但可耕種及飼養家禽，還可利用出售農作物的金錢來擴充農場，建立自己的農業王國。

C君＠農夫

C君說：「手機容量有限，但係用咗呢個軟件，可以即時睇到聽到Save喺屋企電腦嘅電影同歌，好方便！」

推介Apps：ZumoCast

好玩度：★★★

玩法：只要家中電腦及手機同時安裝相關軟件，可隨時隨地利用流動網絡瀏覽家中電腦內的音樂及影片。

阿Sa阿嬌

阿嬌和阿Sa因工作不能經常見面，縱使不時上微博對話，但都不及玩視像通話見到面好玩，阿嬌更在微博留言推介：「免費視像通話！自己友快下載啦！」阿Sa亦忍不住回應：「好介紹！最好的是免費！」

推介Apps：Tango Video Call

好玩度：★★★★

玩法：軟件能讓用家透過流動網絡免費使用視像通話，只要對方裝有相同軟件，一按便能連接視像通話，但需使用流動網絡數據。

李克勤與囝囝Ryan

克勤大仔Ryan人仔細細都已經學識玩電子產品，還霸住爸爸部iPad「喪玩」這個Apps，媽媽盧淑儀在微博留言：「大老闆（Ryan）至愛的遊戲。」

推介Apps：Talking Tom

好玩度：★★★

玩法：要跟人形貓咪說話，牠會以鬼馬聲線複述一次，如在畫面上觸摸牠，貓咪會做出不同動作，還可以餵牠飲牛奶。

樂隊Mr.

Mr.主音Alan說：「呢個軟件唔使錢但好好玩，都有介紹畀朋友玩。（識韓語？）唔識！不過功能簡單所以好易用。」而成員Tom則說：「可能我個樣太後生，結果出嚟變咗個童星，笑到死！」

推介Apps：Pudding Face Detector好玩度：★★★★

玩法：軟件由韓國製作，介面只支援韓語，主要功能是利用拍攝功能拍下正面自拍照，待軟件分析跟你樣貌相似的韓國藝人。

劉心悠

劉心悠說：「之前成日有不明來歷嘅電話打嚟，聽咗先知係推銷電話，但裝咗呢個軟件之後，大部分推銷電話都顯示做『Junkcall List』，可以唔使聽，好方便！」

推介Apps：Junkcall List好玩度：★★★

玩法：軟件內收錄了本地宣傳、廣告、銀行及財務公司電話，安裝後只需導入電話列表，收到推銷電話時即顯示為「Junkcall List」，免除接聽不明來歷的電話。

狄易達

狄易達說：「朋友話呢個軟件好有趣所以裝嚟玩，有個女性朋友都有喺度識男仔，真係覺得佢好大膽！（你有冇試過？）唔敢試，驚食檸檬！」

推介Apps：Skout好玩度：★★★

玩法：一款備受推介的交友軟件，如Facebook及微博一類可設置頭像，利用軟件可與方圓數公里外的用戶交談。