媽咪送驚喜搞喊陳柏宇
陳柏宇（Jason）昨日落旺角為新碟造勢，吸引數十歌迷捧場，而長居於加拿大的陳母神秘現身，令Jason驚喜大叫兼攬攬及錫額頭，更感動得眼紅紅！Jason坦言很少哭：「真係唔知佢返港，唔想佢嘥機票錢，嗰吓好感動！（點報答媽咪？）陪佢多啲，要將工作押後。（不停錫媽咪感尷尬？）唔會，我成日錫屋企人。（出面嘅女仔都成日錫？）社交接吻好少做。」他更表示不少朋友要求他送碟：「我話買一隻送一隻。（送畀緋聞女友裕美？）佢要求會送。」Jason承認一直有與對方聯絡：「佢依家做緊教會嘢，亦有叫我信主。」
媽咪由加國返港打氣，陳柏宇肉緊送吻。