G.E.M.發毒誓保密「陳蔡戀」
對於被指撬同事余思敏牆腳，有線節目主持譚凱琪昨日出席活動時說：「我係同佢前男友陳朗拍拖，但好肯定大家開始嘅時候都係單身，係喺健康正常嘅時間開始，唔存在撬牆腳呢件事！」問到有指他們去酒店「開房」，她激氣地說：「我一直鍾意去酒店食飯，見到報道都幾嬲！」她還表示與余思敏見面會打招呼，不會尷尬。
此外，鄧紫棋（G.E.M.）昨日出席校園活動時透露，早已知道緋聞男友陳偉霆（William）與蔡卓妍撻着：「係William同我講，仲叫我發誓唔可以講出去，如果唔係一世嫁唔出。（學佢公開戀情？）我唔公開之嘛，等結婚嗰日先公開。」似默認與台灣歌手林宥嘉熱戀。
G.E.M.表示早已得知「陳蔡戀」，曾發誓保密。
與Mandy Lieu出席活動的譚凱琪，否認撬余思敏牆腳。