健仔心郁郁開Talk騷搵錢
張衞健昨晚以「時間與機遇」為主題舉行Talk Show，今次義務做騷的他正考慮開商業Talk Show：「張生（張耀榮）每年都問我！拍咗咁多年戲，未做過但又想做嘅就係開Talk Show同做導演。」
他直言今次沒有完整的講稿，屆時將分享其奮鬥歷程：「細個就知道機會有分等待、把握同創造，等待就最蠢，激進啲可以加個『Seven』喺前面，把握就係能幹，而創造就係智者。」健仔有感年輕人自殺及吸毒問題增多，希望藉此分享個人經驗，還笑言要教大家蠱惑招：「例如我如何踩住許志安個膊頭上位咁啦！」
張衞健義務開Talk騷，分享奮鬥歷程。