祥仔撐新劇收視破硬紀錄
黎耀祥、鄧萃雯、陳法拉與敖嘉年等昨日為台慶劇《巾幗梟雄之義海豪情》作頭炮宣傳，一班演員於台上打鼓造勢。監製李添勝保證若此劇不好看，便返鄉下執牛屎！其他演員亦有信心《巾》劇可於台慶奪「最佳劇集」獎。期間，雯女問祥仔今次收視好會否請去旅行，祥仔拉她落水說：「你賺咗咁多外匯返嚟，一齊請囉！」
事後，祥仔表示有信心可破《大長今》的收視紀錄：「就算唔計網上收看率都可以破紀錄！紀錄保持者係韓國劇，當然想破佢哋，希望首集就有38點。（破咗請去旅行？）咁呢個一定唔會，請食飯就難免。」對於被拉落水請去旅行，雯女即寸祥仔：「又唔見佢攞三個獎分個半畀我！」她表示稍後返內地拍劇，希望能抽時間返港宣傳。至於法拉在劇中有一幕被日本人污辱的戲份，她相信觀眾不會只看她身材，反而會被她的戲感動。
鄧萃雯帶領其他演員打鼓，為新劇造勢。
李添勝與演員碰杯，預祝收視高開。
陳法拉在劇中有裸露鏡頭，但不怕再惹抨擊。