陳樂榣：冇諗過咁收場
早前與甄穎珊因錢銀鬧不和的陳樂榣，對於昔日好姊妹不獲公司續約，她亦慨嘆沒想到事件會弄致如斯田地，寄望對方會有好前景。對於甄穎珊指因拒絕拍裸戲而激嬲公司，最後不獲續約，樂榣坦言完全沒聽過：「相信係兩件事。（咁係咪態度問題？）冇咩留意，因為後期都係單獨開會。（問候佢？）唔會過問，只係聽到有啲驚訝，冇諗過會咁收場。（祝福佢？）咁我都想佢好嘅，唔想搞到咁。」另一好姊妹石詠莉至截稿前仍未聯絡得上。
至於傳聞取代甄穎珊全裸演出的內地女星藍燕，昨日接受訪問時說：「我睇微博嘅聲明先知甄穎珊被炒。（執二攤？）唔知！經理人叫我拍就拍，唔想同人比較。（傳你扭計喎？）我好專業o架，就算大膽演出我都唔會扭計！」
陳樂榣出席汽車活動，對甄穎珊被炒感驚訝。