祖兒魔鬼Look開騷怕晒肉腿

《娛樂on Show》首次邀得樂壇天后容祖兒亮相，個唱衣着性感的她，在即將舉行的個唱中有新「底線」，舞姿及道具非常大膽，更自爆十年前開騷的瘀事！

樂壇天后容祖兒首次接受《娛樂on Show》訪問時表示，在即將舉行的演唱會中會有新底線。她自爆見到個唱舞衣草圖時十分驚訝，因個唱監製開放，當中的魔鬼造型道具非常大膽。祖兒透露需要時間接受這個突破，因意識上很誇張。向來個唱舞衣性感的她，笑言自己是大雞腿：「我最怕露大腿，我係一隻大雞腿，我唔係驚意識，係驚肥！」

噏錯歌名嚇窒Dancer

主持人俞詠文問到在十年前的處女個唱中的趣事，祖兒即自爆當年開騷時勁多蝦碌：「講咗一大餐Tag，我要唱一首英文歌《I Will Always Love You》，好深情咁講：『送畀大家《I Will Always Love You》』，跟住點解唔起音樂嘅呢？然後我發現點解後面咁多Dancer企咗喺度？原來係唱《未知》呀！惟有好尷尬咁話下一首先係呢首歌。」今年的個唱定於下月19日，特意挑選十年前首個個唱的日子，她笑說：「係特登，都係為咗賀一賀TVB生日。」祖兒在訪問中還爆出更多個唱搞笑內幕，即登上ontv笑餐飽啦！