羽翹升呢長洲花燈會獻技
歌手羽翹在微博的粉絲數量突然增加，原來跟她早前演出長洲花燈會有關，自小在當地居住的她說：「我係呢度嘅原居民嚟o架，以前去花燈會表演嗰啲都係天王天后級人馬，最記得有郭富城同容祖兒，所以佢哋今年請我嚟都好開心！微博嗰班粉絲就係長洲嘅歌迷！」
羽翹與大批中小學生玩遊戲兼唱歌，小歌迷紛紛要求合照，她說：「佢哋好熱情，仲話要用手機幫我影相，之後我要走，佢哋都邊行邊同我合照、要我簽名，成班人送我去碼頭，真係好感動！但又有少少唔好意思！」
羽翹被小歌迷要求合照，大受歡迎。