李曼筠食雞豪飲最佳配搭
「動漫Maggie」李曼筠雖然身材瘦削，其實相當食得！為食的她希望勇闖電視界主持飲食節目，近期她愛上吃中菜，最愛吃脆皮炸子雞！見她手撕雞髀、大喝啤酒，舉止豪邁！
看到放滿一桌的佳餚，Maggie第一時間手撕脆皮炸子雞，撕了一塊雞肉放入口後，她就停不了，原來她對雞情有獨鍾，她說：「每次去酒樓飲都一定會有炸子雞，係我最鍾意食嘅餸，而呢一隻炸子雞連啲肉都好入味！平時我食開嗰啲得塊皮有味，但係呢隻啲肉就算唔點醬都得！連埋塊皮食仲好脆！」對雞甚有研究的她表示，雞肉要煮得恰到好處才夠滑：「如果骨度仲有少少血就啱啱好，反而熟晒就會變『鞋』！」她認為啤酒是食中菜絕不可少的良伴，而用大碗喝就更有風味！
在家難整咕嚕肉
為食的Maggie希望可盡快主持飲食節目，所以現正努力鑽研飲食網頁、雜誌，平日在家都愛煮食的她吃完菠蘿咕嚕肉便慨嘆在家裏怎樣也整不出這個味道：「佢呢個用新鮮菠蘿整，真係鮮味好多！我平時喺屋企用罐頭菠蘿，但係唔知係咪因為鑊氣唔夠，成日都係汁還汁，肉還肉。」她最愛吃飽飯後才喝湯，這間中菜館的老火湯給她「家」的感覺。
面對滿枱美食，Maggie開心不已！
Maggie品嘗最愛的炸子雞。
Maggie用碗豪飲啤酒。