朱茵着噴血內衣背夫偷漢

擁有33D導彈身材的朱茵，在本月公演的舞台劇中，穿上性感服裝飾演背夫偷漢的角色，單看「牌面」已令人想入非非，但朱茵表示舞台劇樂而不淫，絕對兒童適宜。

朱茵近期忙於宣傳本月21日起舉行、共19場的舞台劇《瘋狂夜宴搞偷情》。事先張揚會穿上噴血褻衣、以「最姣最賤」神髓飾演淫婦的她，強調舞台劇只是搞笑居多，絕無色情和淫穢成分。坐在床上酥胸半露的朱茵說：「唔係鹹戲，係法國名著嚟o架！只係意識大膽。」問到會否有過火床戲？她強調沒有「摷嘢」，6歲小朋友都可以入場。

接羅冠蘭棒做淫婦

談及今次的合作夥伴，分別有鍾景輝（King Sir）擔任「偷情顧問」，而被朱茵送「綠帽」的老公角色，則由資深舞台劇前輩何偉龍飾演。其實朱茵的「姣婆」一角，早於12年前曾由獲獎無數的羅冠蘭扮演。雖然好戲之人如雲，但身為後輩的朱茵坦言「冇有怕」：「我唔覺得有壓力喎！因為我都累積咗十幾年嘅演戲經驗，況且我都係演舞台劇出身，只係我好快畀無綫睇中，不停咁拍劇同拍電影啫！」她極欣賞羅冠蘭，希望演畢《瘋》劇後，可以像對方一樣，十幾年後仍有觀眾記得她演過該劇。

朱茵透露尚有兩周時間綵排，不擔心時間不足，只怕屆時體力不繼，因舞台劇主力靠聲音演戲：「最大問題係有日連開日、夜兩場，我怕我冇氣，但又冇得NG再嚟，所以我嚟緊要保重身體。」