阮民安無懼與Shawty傳緋聞
新進女子組合「Shawty」的三位成員Katsie、Mizer和Kenice，最近與男子組合E-Kids的Tommy（阮民安）、Alan和Kasa首度合作即擦出火花，Tommy說：「我想組一隊女子跳舞組合，之前面試咗好多個女仔，最後搵咗幾個女仔組成『Shawty』，佢哋走韓國風格同路線。」Tommy透露三女並非只Sell青春，想走實力和型格路線：「佢哋跳舞唔錯，亦做過模特兒。」至於組隊至今有否試過爭寵？Mizer說：「咁又冇，大家識咗冇耐，但好有默契。」問到有否邀請過緋聞女友鍾蕙芝加入？Tommy說：「佢唱歌唔錯，係有潛質，但佢唔鍾意跳舞。（怕同師妹鬧緋聞？）都唔會係真啦！呢啲死貓食得起。」
Kenice輕易做出一字馬的高難度動作，技驚四座。
E-Kids與師妹Shawty排舞，默契十足。