RubberBand巡迴登台為理想拚搏
樂隊RubberBand（RB）的音樂一直備受讚賞，縱使玩搖滾樂被形容是一條不歸路，但RB堅持為理想而拚搏！
樂隊RubberBand剛推出第三張大碟便製作了12首歌，他們說：「係呀！我哋唔大得、唔話得，之前一年做6首歌，好似用慢火燉咁，但畀人一話即Double做咗12首！」然而單靠組Band並不能維持生計，五子惟有比平常人加多5倍努力，他們說：「我哋去過加拿大、馬來西亞同澳門等地登台做騷，身價提升收入亦增多，接到啲開心價，我哋五個人，多人哋五倍努力！」
堅守信念不氣餒
RB坦言明白將來的路還要堅守一段時間，但他們不會感到氣餒：「因為人總有高低潮，我哋比較知足，最緊要知道係向前行緊，如果係停滯不前就慘！」
RB又認為每隊Band都有自己的態度，並感激公司的支持：「能夠得到唱片公司支持，成功推出第一張碟，已經滿足到我哋心願。我哋會繼續將呢股力量化為推動力，相信有付出，有一日可以成功！」雖然成員藝琛剛因病宣布離隊，但未有為樂隊帶來負能量。
RubberBand不認為玩搖滾樂是不歸路，堅持為理想而拚搏。
泥鯭明白將來的路要堅守一段時間，但絕不感到氣餒。
阿偉（右）和阿正隨隊友到世界各地巡迴登台，以維持生計。