唐詩詠食中藥「孱妹」翻身
無綫藝員唐詩詠最近與楊怡及黃浩然等拍攝新劇《真相》，她一向體弱多病，尤其在夏天拍劇更易於中暑，拍攝時經常被黃浩然取笑：「你又暈呀？」為洗脫「孱妹」之名，詩詠幾個月前開始食中藥調理身體，效果不俗，她說：「因為血壓偏低，所以一向面色唔係幾好，又易暈，同我合作嘅人都好驚，依家食咗中藥後真係好咗好多，即使唔夠瞓都冇事。」
詩詠稍後會拍攝一部清裝劇，她表示會向「師傅」陳錦鴻請教：「我同錦鴻合作過好多部劇，佢最拿手就係演古裝，又鍾意教人，佢教我要睇多啲大陸劇，感受一下人哋嘅演繹方法，希望令自己演技再好啲。」
詩詠食中藥調理身體，果然奏效。