江若琳處女落廚整大餐

江若琳（Elanne）、何浚尉與林司敏因在泰國拍片而成為好友，Elanne更為他們奉獻了第一次，親自落廚炮製「大餐」。

江若琳與師妹林司敏及師弟何浚尉，因在泰國合作拍攝3D電影《童眼》而建立友誼，更為此奉獻出第一次的Elanne，在當地親自下廚炮製「一品窩」，讓他們大快朵頤。何浚尉表示師姐買了很多食品，放進一個煲內炮製「一品窩」，他隱晦地說：「佢好有誠意嘅，好多謝師姐。」而在旁的林司敏則爆料說：「個窩材料好充足o架！但我夾起一件蟹柳時，竟然發現條蟹柳透明包裝紙都未拆除，當時都唔知講唔講好，後尾師姐自己見到，我哋就不停大笑囉！」Elanne說只是一時大意，下次會小心：「大家拍得咁辛苦，都係想娛樂開心吓啫！」

自爆瘀事

Elanne與好友楊丞琳，經常如孖公仔般一起出現，她自爆瘀事說：「其中一次我哋約咗喺酒店Coffee Shop傾偈，咁我求其束起啲頭髮就落去，見到楊丞琳先想起佢同我偶像羅志祥（小豬）好好朋友，我叮囑佢唔好講畀小豬聽我呢個樣。」但其後楊丞琳卻向Elanne表示不小心將這個秘密告知了小豬，Elanne沒有怪責，但只擔心日後若見到偶像不知怎辦。