莫文蔚唔恨男人送鑽石
莫文蔚前晚出席DE BEERS新加坡Marina Bay Sands首間東南亞旗艦店開幕，早前自稱單身的她形容自己是女強人，從未收過男友送贈的鑽飾：「鑽石唔可以亂送，其實我覺得鑽石冇話一定要男人送，自己喜歡又有能力可以氹吓自己，送鑽石唔代表乜，有唔同方法代表心意。市面上，有好多女強人，我身邊好多朋友都係女強人。（你都係女強人？）我冇得揀！」
她與媽咪都有收藏少許鑽飾，並笑言媽咪只得她一個女，將來出嫁不用擔心冇嫁妝。前晚她佩戴122卡Pear Collar鑽石頸鏈，閃爆全場，身旁既有保鏢護駕，又有品牌高層Francois Delage傍實，排場十足。
獲品牌高層厚待的莫文蔚笑言，若身上的鑽飾當酬勞便不用工作了。