甄子丹新傷舊患「冧廠」
近年「宇宙最強」甄子丹片約紛至，狂賺近2億元，代價是令健康大受考驗，有消息指他拍攝《武俠》期間「冧廠」，整個劇組因此停工！子丹發言人張小姐承認他早前患上重感冒兼發高燒，曾停工一日：「子丹腰椎都有舊傷，骨與骨之間磨損嚴重，淨係坐喺度都好痛，但又未有辦法醫，惟有靠意志力去克服，呢個係做武打演員嘅後遺症！」子丹拍完《錦衣衛》及《葉問2》等，又接拍《關雲長》及《武俠》，加上稍後將開拍《大鬧天宮》及《最強囍事》，部部都打到飛起，認真要保重！
甄子丹受新舊傷患所困，靠意志力克服。(資料圖片)