樂基兒自嘲冇睇頭掩胸自保

「天王嫂」樂基兒昨日出席活動時，對於被指將成為下一個紅外線透視偷拍目標，嚇得她兩度以雙手掩胸，並公開要求立法保障女性私隱免受侵犯！

日前多位奧運跳水名將遭不法分子用紅外線透視器材偷拍，繼而傳出樂基兒及不少女星成為下一個偷拍目標，令全城女星陷入恐慌！基兒昨日身穿杏色長裙出席麥當勞活動時，對於慘成偷拍獵物，她驚訝地說：「吓！我都成為目標？我冇嘢睇o架！」隨即雙手護胸反問記者：「咁要點避？」記者勸她穿深色服飾，她再度雙手掩胸表示：「我今日着淺色衫喎！好彩平時着慣深色衫！」她寄語女性小心：「真係要立法去保障女性私隱！」

力撐黎明瘦咗

日前有報道指黎明與基兒目擊一宗交通意外，但只有黎明老友關兆昌及助手落車一看究竟，坐在車上的二人被指冷漠，基兒解釋當日他們路經交通意外現場，黎明為免落車後引起混亂，故安排關兆昌及助手下車幫忙：「警察到場我哋仲留咗電話，好樂意做證人或落口供！」

另外，身形弗爆的基兒自言每樣快餐食物都會試，但最愛依然是沙律：「食快餐食物，只要識揀就唔會肥！」對於黎明被周刊指「脹爆」，她即力撐：「唔係呀！佢瘦咗好多，遲啲大家喺衞蘭演唱會上就會見到佢瘦咗！」