破冰上節目 王賢誌有興趣返無綫
王賢誌（Vinci）因無綫總經理陳志雲偏愛崔建邦與鄧健泓等，感到受冷落，三年前「含恨」離開，期間曾替亞視及有線工作，從未返過無綫。直至昨日在陳志雲停職期間，他應邀亮相無綫節目《今日VIP》，接受陳芷菁訪問。
問到會否再簽約無綫，Vinci說：「一定有興趣，我一直喺外面有接司儀工作。（志雲唔喺度有轉機？）呢幾年睇嘢唔同咗，對無綫確實有深感情，總之隨緣啦！（見人事有變有咩感觸？）證明個世界係圓，冇嘢係絕對！（仲有冇怨恨？）過咗去嘅嘢唔需要諗番轉頭，應該向前望，人生係要有轉變嘅！」
王賢誌出席無綫節目，接受陳芷菁訪問。