阿嬌莊冬昕有機發展

鍾欣桐昨晚錄影音樂節目《勁歌金曲》，她否認有意公開戀情，表示現時冇拍拖，與莊冬昕只是好朋友，但不排除發展機會。

鍾欣桐（阿嬌）與楊千嬅昨晚錄影《勁歌金曲》，阿嬌被問到有指她在微博寫了篇文章，似是有意公開戀情，她說：「我唔係拍拖，大家誤會啫！（同莊冬昕傳緋聞？）雜誌寫都好信！佢係我監製、好朋友。（有冇發展機會？）唔可以話冇。（對方想追你？）冇，大家好朋友嚟！（恨阿Sa咁公開？）唔講呀！免得畀你哋話我恨嫁！（公司有冇話唔畀公開？）真係有拖拍先問啦！（事前知道阿Sa同陳偉霆拍拖？）知知哋，都係兩、三個月嘅事。」

同場的千嬅被問到阿Sa及William的戀情曝光後的種種傳聞，她說：「咁可以Roll機拍得喇喎！」其後才表示不便評論他人的事。

千嬅激咀林峯

此外，千嬅及林峯繼01年合作拍攝劇集《美味情緣》後，再度合作拍新片《抱抱俏佳人》，在戲中發展一段姊弟戀，不乏床上戲及親熱鏡頭，雖然千嬅已為人妻，但她拍攝親熱戲時毫不錫身亦沒有尷尬。

導演黃真真表示林峯與千嬅飲酒談情、繼而親熱的戲份拍得比她預期好：「嗰場戲講林峯同千嬅邊飲酒邊談情，結果愈飲愈多真係有啲醉，所以真正拍攝接吻戲時完全做到一對熱戀情侶難捨難離嘅感覺。唔知丁生（丁子高）會唔會呷醋，以後唔畀千嬅拍我啲戲！」